असा करा ट्रायकोडर्माचा वापर आणि पहा रिजर्ट !

पिकांचे क्षेत्र वाढत आहे; परंतु उत्पादकता वाढात ही सध्याच्या शेतीमधील मोठी समस्या झाली आहे. याच्या कारणांचा मागोवा घेतला तर लक्षात येते, याचे मुख्य कारण आहे जमिनीचे बिघाडत चाललेले आरोग्य ! हे का बिघडते; तर जमिनीतील सेंद्रीय कर्बाचे कमी होत चाललेले प्रमाण हे त्याचे मुख्य कारण आहे. वास्तविक जमिनीमध्ये दोन प्रकारच्या बुरशी असतात. त्यामध्ये पहिला प्रकार हा जमिनीला पोषक ठरणाऱ्या तर दुसऱ्या जमिनीला हानी पोहचवणाऱ्या ट्रायकोडर्मा ही पहिल्या प्रकारत मोडते आणि दुसऱ्या प्राकारच्या बुरशीला नष्ट करण्याचे काम करते.

ट्रायकोडर्मा ही बुरशी पिकांच्या मुळाभोवती संरक्षण कवच तयार करते आणि पिकाला रोगगाईपासून वाढवते. असे झाल्याने उत्पादनात अपसूकच वाढ होते. ट्रायकोडर्माचे अनेक प्रकार वनस्पती बुरशीजन्य रोगांविरूद्ध बायो-कंट्रोल एजंट म्हणून विकसित केले गेले आहेत. ट्रायकोडर्मा पिकाना होणार्‍या अनेक प्रकारच्या रोगाचे व्यवस्थापन करते. यामध्ये जोस अँटीबायोसिस, परजीवीवाद यांचा समावेश आहे. बायोकंट्रोल एजंट सामान्यत: मूळच्या पृष्ठभागावर त्याच्या नैसर्गिक अधिवासात वाढतो आणि म्हणूनच विशेषत: मूळ रोगावर परिणाम करतो, परंतु तो पानांच्या आजारांवर देखील प्रभावी काम करते.

यासाठी करा ट्रायकोडर्माचा वापर

• उगवणशक्ती वाढवण्यासाठी पेरणी करण्यापूर्वी बिजप्रक्रिया करण्यासाठी ट्रायकोडर्माचा वापर करावा.

• भाजीपाल्याची रोपे तयार करताना ज्या वाफ्यात रोपे तयार करावयाची आहेत; त्यावाफ्याच्या मातीमध्ये ट्रायकोडर्मा मिसळून घ्यावा.

• ओपांची पुर्नलागवड करण्यापूर्वी रोपांची मुळे ट्रायकोडर्माच्या द्रावणात बुडवून लावावीत.

• लागवडीच्या वेळी कंपोस्ट खत, सेंद्रीय खत टाकताना त्यासोबत ट्रायकोडर्माचा वापर करावा.

• शेताता ओलावा असल्यास ट्रायकोडर्माचा परिणाम लगेच दिसून येतो. त्यामुळे ट्रायकोडर्माच्या वापरानंतर पाणी द्यावे.

ट्रायकोडर्मा वापराचे फायदे

• ट्रायकोडर्माच्या वापराने मातीमधील जैविक रोगांना प्रतिबंध होतो.

• याच्या वापराने झाडाचे मूळ सडणे, खोड सडणे फळांची सड होणे इत्याची रोगांवर नियंत्रण मिळविता येते.

• ट्रायकोडर्मा हा जैविक पद्धतीतील सर्वात प्रभावी आणि यशस्वी रोग नियंत्रक आहे.

• ट्रायकोडर्मा बीजाच्या उगवणीच्या वेळी बियाण्यातील हानिकारक बुरशीचे आक्रमण व परिणाम रोखतो यामुळे बियांचा नाश होत नाही.

• ट्रायकोडर्मामुळे जमिनीत उपलब्ध असलेल्या वनस्पती, गवत आणि इतर पिकांच्या अवशेषांचे सेंद्रीय खतात विघटन होण्यास मदत होते.

• ट्रायकोडर्मा हे कोणत्याही सेंद्रीय खतात आणि हलक्या आर्द्रतेमध्ये खूप चांगले कार्य करते. त्यामुळे उत्पादनात वाढ होते. • हे वनस्पतीच्या चांगल्या वाढीसाठी देखील कार्य करते.

• त्याचा प्रभाव जमिनीत वर्षानुवर्षे टिकून राहतो आणि रोगराईला आळा बसतो.

• यामुळे पर्यावरणाची कोणतीही हानी होत नाही.

ट्रायकोडर्माचा वापर असा करा

• प्रति किलो बियाणे दराने 6-10 ग्रॅम ट्रायकोडर्मा पावडर मिसळून बियांनामध्ये मिश्रण करावे लागणार आहे.

• नर्सरीमध्ये ट्रायकोडर्माच्या 10-25 ग्रॅम प्रति चौरस मीटर दराने मातीवर उपचार करण्यासाठी निंबोळी खत, गांडूळ खत किंवा पुरेसे सडलेले शेणखत मिसळा.

• शेतात गांडूळ खत किंवा शेणखत घालताना त्यात ट्रायकोडर्मा चांगले मिसळून घ्यावे.

• ट्रायकोडर्मा 10 ग्रॅम आणि 100 ग्रॅम सडलेल्या शेणखताचे प्रति लिटर पाण्यात विरघळून झाडाचे मूळ बुडवून त्याची लागवड करावी. त्यामुळे वनस्पतीची वाढ जोमात होते शिवाय रोगापासून बचाव होतो

• उभ्या पिकात ट्रायकोडर्मा 10 ग्रॅम प्रति लिटर पाण्यात विरघळवून मुळाजवळ सोडावा.