पीएम किसान सन्मान निधी योजनेचा 11 वा हप्ता मे महिन्यात ?

देशभरातील अल्पभूधारक, गरीब शेतकऱ्यांना आर्थिक मदत करण्यासाठी केंद्र सरकारतर्फे प्रधानमंत्री किसान सन्मान निधी योजना राबवण्यात येते. या योजनेसाठी पात्र शेतकऱ्यांना वर्षाकाठी ६ हजार रुपयांची आर्थिक मदत करण्यात येते. हे पैसे थेट संबंधित शेतकऱ्यांच्या बँक खात्यात जमा करण्यात येतात. ही रक्कम शेतकऱ्यांना तीन समान हप्त्यात देण्यात येते.

हे नक्की वाचा : देशात विद्राव्य खतांची टंचाई : दर वाढले

प्रधानमंत्री किसान सन्मान निधी योजनेचा 10 वा हप्ता केंद्र सरकारकडून 1 जानेवारी 2022 रोजी जमा करण्यात करण्यात आला होता. लाभार्थी शेतकरी या योजनेच्या 11 व्या हप्त्याच्या प्रतीक्षेत आहेत. योजनेचा 11 वा हप्ता कधी जमा होणार, याची नेमकी तारीख केंद्र सरकारकडून जाहीर करण्यात आलेली नाही. मात्र लवकरच ही रक्कम लाभार्थ्यांच्या बँक खात्यात जमा होईल, अशी शक्यता वर्तवण्यात येत आहे.

आनंदाची बातमी : उस्मानाबाद जिल्ह्यातील साडेतीन लाख शेतकऱ्यांचा खरीप-2020 चा पीक विमा मंजूर

प्रधानमंत्री किसान सन्मान निधी योजनेचा 11 वा हप्ता मिळवण्यासाठी या योजनेतील पात्र शेतकऱ्यांना ईकेवायसी अपडेट करावी लागणार असून, हा 11 वा हप्ता लवकरच शेतकऱ्यांना मिळणार आहे. 14 मेपर्यंत योजनेसाठी पात्र लाभार्थ्यांच्या बँक खात्यात योजनेच्या 11 व्या हप्त्याची रक्कम जमा केली जाणार असल्याची शक्यता वर्तवण्यात येत आहे.

आनंदाची बातमी : तुकडाबंदीचे नियम रद्द, आता एक – दोन गुंठे जमिनीचा देखील करता येणार व्यवहार

प्रधानमंत्री किसान सन्मान निधी योजनेचा 8 वा हप्ता 2021 साली 14 मे रोजीच जमा करण्यात आला होता. त्यामुळे 11 वा हप्ता 14 मे 2022 पर्यंत किंवा त्यानंतर जमा करण्यात येणार असल्याचा अंदाज आहे. त्यासाठी सरकारकडून 31 मे 2022 पर्यंतची मुदत देण्यात आली आहे. ही प्रक्रिया पूर्ण केल्याशिवाय प्रधानमंत्री किसान सन्मान निधी योजनेचा 11 वा हप्ता मिळणार नाही. त्यामुळे शेतकऱ्यांनी जवळच्या ग्राहक सेवा केंद्रात जाऊन ‘ईकेवायसी’ अपडेट करून घ्यावी, असे आवाहन करण्यात आले आहे.