लिंबू 10 रुपयाला दोन, घेतंय का कोण ? का लावू शरद पवारांना फोन ! शेतकऱ्याचा व्हीडिओ व्हायरल

आपल्या शेतात पिकलेला माल विकण्यासाठी शेतकरी विविध क्लुप्त्या वापरत असतात. ग्राहकांना आपल्या शेतमालाकडे आकर्षित करुन घेण्यासाठी ते प्रयत्न करत असतात. असाच एका शेतकऱ्याचा व्हीडिओ सध्या सोशल मीडियावर चांगलच व्हायरल होत आहे. हा शेतकरी आपली लिंबू विकण्यासाठी, बाजारपेठेतील ग्राहकांचे लक्ष वेधण्यासाठी मोठ्यानं ओरडत असल्याचे दिसत आहे. शेतकऱ्यांची खरी व्यथा मांडणारा एक व्हीडिओ सध्या सोशल मीडियावर चांगलाच व्हायरल होत आहे.

नक्की वाचा : पुणतांब्यातून पुन्हा शेतकऱ्यांची आंदोलनाची हाक : सरकारला ७ दिवसाचे अल्टीमेटम

नेमकं काय म्हणत आहे शेतकरी : बार्शी तालुक्यातील वैरागच्या बाजारातील हा व्हीडिओ असल्याचे संभाषनावारुन समोर आलं आहे. बाजारात लिंबू विकत असलेल्या शेतकऱ्याने आपली व्यथा सांगितली आहे. ‘लिंबू 10 रुपयाला दोन, घेतंय का कोण ? का लावू शरद पवारांना फोन, होशील का शेतकरी करशील का बागायत ? २ लाख देतो म्हणलं कोण पोरगी देईना शेतकऱ्याच्या पोराला. बागायत 10 एकर बागायत हाय पण पोराला पोरगी कोणी देईना ! काय व्यथा आहे शेतकऱ्याची ! असे म्हणत शेतकरी ग्राहकांचे लक्ष वेधून घेत आहे. या संवादातून या शेतकऱ्याने स्वत;ची नव्हे तर अवघ्या शेतकऱ्यांची व्यथा मांडली आहे. या शेतकऱ्याचे अद्याप नाव समजलेले नाही मात्र, हा व्हीडिओ चांगलाच व्हायरल होताना दिसत आहे.

मान्सून अपडेट : मान्सून लांबणीवर !

शेतकऱ्यांसमोर विविध समस्या : सध्या राज्यात एकिकडे उन्हाचा चटका वाढत आहे. तापमान वाढीमुळे राज्यातील नागरिक हैराण झाले आहे. या तापमान वाढीचा पिकांवर देखील परिणाम होत असल्याचे चित्र दिसत आहे. तर दुसरीकडे काही ठिकाणी अवकाळी पाऊस देखील पडत असल्याचे चित्र दिसत आहे. या अवकाळी पावसाचा मोठा फटका फळबागांना बसला आहे. तसेच भाजीपाला पिकांचेही मोठे नुकसान झाले आहे. अशातच कांद्याच्या दराचा प्रश्न देखील उपस्थित झाला आहे. सद्या कांद्याला खूप कमी दर मिळत आहे. त्यामुळे शेतकरी चिंतेत आहे.

महत्त्वाचा निणर्य : अखेर बांबू कोळशावरील निर्यात बंदी उठवली

अतिरिक्त उसाचा प्रश्न देखील निर्माण झाला आहे. शेतमालाला मिळणारा कमी दर आणि वाढत जाणारा उत्पादन खर्च यामुले शेतकरी संकटात सापडला आहे. दुसरीकडे खतांच्या किंमती देखील वाढल्या आहेत. त्यामुळे उत्पादन खर्च वाढला आहे. त्यामुळं शेतकऱ्यांना आर्थिक तोटा सहन करावा लागत आहे. अशा अनेक समस्थेने ग्रासलेल्या शेतकऱ्यांच्या व्यथेचे प्रतिनिधीत्व करणाऱ्या या लिंबू विकत्या शेतकऱ्यांनी उदाहरणादाखल व्यथा या व्हीडिओत असल्याने तो व्हिडिओ सध्या जोरात व्हारयल होताना दिसत आहे.