किराणा बाजारात अमूलची एंट्री : सेंद्रिय पीठ लॉन्च

देशात आणि देशाबाहेर दूध, लोणी आणि आइस्क्रीम यासारख्या अनेक दुग्धजन्य पदार्थांची विक्री करणाऱ्या अमूलने आता किराणा बाजारात मोठी एंट्री केली आहे. सध्या सेंद्रिय अन्न उत्पादनांच्या श्रेणीत राहण्याची अमूलची योजना आहे. यासाठी कंपनीने आपल्या अमूल ब्रँड (अमूल ऑरगॅनिक फ्लोअर लॉन्च) अंतर्गत सेंद्रिय पीठ लॉन्च केले आहे.

गुजरात को-ऑपरेटिव्ह मिल्क मार्केटिंग फेडरेशन लिमिटेड ही कंपनी देशात आणि जगात अमूल या ब्रँड नावाने डेअरी उत्पादने विकते. लवकरच कंपनी किराणा बाजारासाठी आणखी अनेक उत्पादने लॉन्च करणार आहे. अमूल हा आशियातील सुपर ब्रँडपैकी एक आहे आणि म्हणूनच कंपनीने अमूल या ब्रँड नावाने सेंद्रिय पीठ लॉन्च केले आहे. अमूलने आपल्या अधिकृत ट्विटर अकाउंटवर ही माहिती शेअर केली आहे.

लक्षवेधी बातमी : उजनीचे पाणी काटेवाडीला नेण्याचा घाट

गृह मंत्री अमित शहा यांच्या सल्ल्यानुसार कंपनीने अमूल ऑरगॅनिक गव्हाचे पीठ लॉन्च केले आहे. याशिवाय, शेतकऱ्यांना स्वस्त चाचणी सुविधा उपलब्ध करून देण्यासाठी कंपनी देशभरात 5 जैविक चाचणी प्रयोगशाळा स्थापन करत असून, कंपनी लवकरच आपल्या सेंद्रिय पोर्टफोलिओचा विस्तार करणार असल्याचे एका निवेदनात म्हटले आहे.

ब्रेकिंग न्यूज : ‘या’ निर्णयामुळे होवू शकते 31 मे ला पेट्रोल डिझेलचे शॉर्टेज…?

कंपनी लवकरच हिरवी डाळ, तूर डाळ, चना डाळ आणि बासमती तांदूळ बाजारात आणणार आहे. सध्या कंपनीचे पीठ त्रिभुवनदास पटेल मोगर फूड कॉम्प्लेक्समध्ये तयार केले जाणार आहे. जीसीएमएमएफचे एमडी आर. सोधी म्हणतात की अमूलच्या या निर्णयामुळे देशातील सेंद्रिय शेतकऱ्यांचा चांगले मध्यम तयार होईल.

आनंदाची बातमी : 31 मे रोजी पीएम किसानचे पैसे येणार खात्यात

सेंद्रिय पिके गोळा करण्यासाठी कंपनी दूध संकलनाची सहकारी पद्धत देखील वापरणार आहे. यामुळे सेंद्रिय अन्न उद्योगाचे लोकशाहीकरण होईल आणि सेंद्रिय शेतकऱ्यांना चांगला फायदा होईल. अमूलने दोन पॅकेजिंगमध्ये आपले सेंद्रिय पीठ लॉन्च केले आहे. एक किलोच्या पॅकची किंमत 60 रुपये आणि 5 किलोच्या पॅकची किंमत 290 रुपये आहे.