गोकुळ संघाकडून दूध खरेदी दरात वाढ

कोल्‍हापूर जिल्‍हा सहकारी दूध उत्‍पादक (गोकुळ) संघाशी संलग्न दूध उत्पादक शेतकऱ्यांना म्‍हैस व गाय दूध खरेदी दरामध्‍ये एक ऑगस्ट 2022 पासून वाढ करण्याचा निर्णय घेतला आहे. त्यानुसार म्हैस दुधासाठी प्रतिलिटर 2 रुपये व गाय दुधासाठी प्रतिलिटर 1 रुपये वाढ केली आहे. गोकुळच्या संचालक मंडळाच्‍या बैठकीत हा निर्णय घेण्‍यात आला आहे, अशी माहिती संघाचे अध्‍यक्ष विश्‍वास पाटील यांनी दिली.

लक्षवेधी बातमी : मराठवाड्यात शंखी गोगलगाय बरोबरच आता पैसा किटकांचे पिकावर संकट

एक ऑगस्टपासून म्‍हैस दूध खरेदी दर 6.0 फॅट व 9.0 एस.एन.एफ प्रतीच्या दुधास प्रतिलिटर रुपये 45.50 दर राहील. गाय दूध खरेदी दर 3.5 फॅट व 8.5 एस.एन.एफ. प्रतीचे दुधास प्रतिलिटर रुपये 30 रुपये असा दर राहील, अशी माहिती श्री. पाटील यांनी दिली

मान्सून अपडेट : ऑगस्ट, सप्टेंबरमध्ये सर्वसाधारण पाऊस

संघाच्या कोल्हापूर, मुंबई, पुणे विभागांमध्‍ये वितरित होणाऱ्या फूल क्रीम दूध विक्री दरात 2 रुपये प्रतिलिटर वाढ करण्यात येणार आहे. तसेच गाय दूध, टोण्‍ड दूध, स्‍टँडर्ड दूध विक्री दरामध्‍ये कोणतीही वाढ करण्‍यात आलेली नाही. सुधारित दरपत्रक संघामार्फत प्राथमिक दूध संस्थांना पाठविण्यात आले आहेत.