यंदाचा ऊस गाळप हंगाम या तारखेपासून सुरु !

गेल्यावर्षी निर्माण झालेला अतिरिक्त उसाचा प्रश्‍न यंदा भेडसावू नये, यासाठी यंदा प्रशासकीय पातळीवर मोठी यंत्रणा कामाला लागली आहे. मुख्यमंत्री एकनाथा शिंदे यांच्या अध्यक्षतेखाली झालेल्या मंत्री समितीच्या बैठकीत याबाबत मोठा निर्माण घेण्यात आला आहे. त्यामुळे यंदा गेल्यावर्षी प्रमाणे ऊस उत्पादक शेतकऱ्यांचे कसलेच नुकसान होणार नाही, याची काळजी घेतली जाणार आहे. विशेष म्हणजे यंदा गेल्यवर्षीच्या तुलनेत उसाचे क्षेत्र अजून वाढले असल्याने हा निर्णय नक्कीच फायद्याचा ठरणार आहे.

ब्रेकिंग न्यूज : परतीच्या मान्सूनचा प्रवास लांबला

सह्याद्री अतिथीगृह येथे मुख्यमंत्री एकनाथ शिंदे यांच्या अध्यक्षतेखाली झालेल्या मंत्री समितीच्या बैठकीत उपमुख्यमंत्री देवेंद्र फडणवीस, महसुल मंत्री राधाकृष्ण विखे पाटील, कृषीमंत्री अब्दुल सत्तार, बंदरे मंत्री दादाजी भुसे, सहकार मंत्री अतुल सावे, साखर संघाचे सदस्य व विधानसभेचे विरोधी पक्ष नेते अजित पवार, आमदार बाळासाहेब पाटील, संघाचे अध्यक्ष जयप्रकाश दांडेगावकर, हर्षवर्धन पाटील, प्रकाश आवाडे, श्रीराम शेटे, धनंजय महाडीक आदी यावेळी उपस्थित होते. यावेळी साखर उत्पादनात महाराष्ट्र जगात तिसऱ्या क्रमांकावर असल्याबद्दल मुख्यमंत्री एकनाथ शिंदे यांनी अभिनंदन केले.

यावेळी साखर आयुक्त शेखर गायकवाड यांनी सांगितले की, गेल्या हंगामात सुमारे 200 साखर कारखान्यांनी गाळप घेतले असून शेतकऱ्यांना 42 हजार 650 कोटी रुपयांची एफआरपी अदा करण्यात आली आहे. राज्याने देशात सर्वाधिक 98 टक्के एफआरपी अदा केली आहे.

मोठी बातमी : लम्पी स्कीन आजाराचा ने देशात धुमाकूळ : 57 हजार गायींचा मृत्यू

यंदाच्या हंगामासाठी ऊस लागवड सुमारे 14 लाख 87 हजार हेक्टरवर असून राज्यात ऊस लागवडीचे क्षेत्र वाढले आहे. यंदा सरासरी 95 टन प्रति हेक्टर ऊस उत्पादन अपेक्षित आहे. या हंगामात सुमारे 203 कारखाने सुरू होणार असून यंदा 138 लाख टन साखर उत्पादन होण्याचा अंदाज वर्तविण्यात आला.

महाराष्ट्राने गेल्या हंगामात 137.36 लाख मेट्रीक टन साखर उत्पादन केले असून उत्तर प्रदेशला मागे टाकले आहे. यंदाचा गाळप हंगाम सरासरी 160 दिवस अपेक्षित असून, यंदा गाळप होणाऱ्या ऊसासाठी 10.25 टक्के बेसिक उताऱ्यासाठी प्रति मेट्रीक टन 3050 रुपये एफआरपी देण्यात येणार आहे.

हे वाचा : भाजप सरकार हे शेतकरी विरोधी : धनंजय मुंडे

दरम्यान, देशात सध्या 60 लाख मेट्रीक टन साखरेचा साठा असून महाराष्ट्रात 30 लाख मेट्रीक टन साठा आहे. यंदा देशातून 100 लाख मेट्रीक टन साखर भारतातून निर्यात होण्याचा अंदाज असून त्यात महाराष्ट्राचा वाटा 60 लाख मेट्रीक टन आहे.

इथेनॉल निर्मितीमध्ये देशामध्ये महाराष्ट्राचा वाटा 35 टक्के आहे. पुढील वर्षी 325 कोटी लिटर इथेनॉलची निर्मिती करण्यात येणार असल्याचे सादरीकरणा दरम्यान सांगण्यात आले. साखर निर्यातीबाबत खुला सर्वसाधारण परवान्याबाबत (ओपन जनरल लायसन्स) गेल्या वर्षीचे धोरण कायम ठेवण्याबाबत केंद्र शासनाला पत्र पाठविण्याचा निर्णय यावेळी घेण्यात आला. यावेळी उस तोडणीसाठी यांत्रिकीकरणावर भर, सहवीज निर्मिती आदीबाबत चर्चा करण्यात आली. दरम्यान, यंदाचा गाळप हंगाम 15 ऑक्टोबरपासून सुरू करण्याचा महत्त्वपूर्ण निर्णय या बैठकीत घेण्यात आला.