सरसकट ओला दुष्काळ जाहीर करण्यासारखी स्थिती नाही : कृषीमंत्री सत्तार

परतीचा पाऊस हा काही पहिल्या वर्षी झाला असे नाही. प्रत्येक वेळी तो पडतो, त्याचा अंदाज लावता येत नाही. राज्यात सरसकट ओला दुष्काळ जाहीर करावा, अशी स्थिती नाही. पण ज्या भागामध्ये नुकसान झाले आहे, त्या भागाचे पंचनामे केल्यावरच आपल्याला किती नुकसान झाले ते समजेल. असे प्रतिक्रिया कृषीमंत्री अब्दुल सत्तार यांनी व्यक्त केले.

मोठी बातमी : गोकुळच्या दूध खरेदी दरात उद्यापासून वाढ

विरोधी पक्षनेते अजित पवार यांनी ओला दुष्काळ जाहीर करावा अशी मागणी केली आहे. त्यासंदर्भात ते सत्तार बोलत होते. ते म्हणाले, राज्यातील एकही नुकसानग्रस्त शेतकरी मदतीपासून वंचित राहणार नाही, असे आदेश मुख्यमंत्री एकनाथ शिंदे यांनी सचिवांसह सर्व जिल्ह्याधिकाऱ्यांना दिले आहेत. तसेच ज्या शेतकऱ्यांचे 33 टक्क्यांपेक्षा जास्त नुकसान झाले आहे, त्यांचे वस्तुनिष्ठ पंचनामे करण्याचे आदेशही मुख्यमंत्र्यांनी दिले असल्याची माहिती त्यांनी दिली.

जिथे जिथे शेतकऱ्यांचे नुकसान झाले आहे, त्याबाबतची माहिती आमच्याकडे येत असल्याचे सांगून, ते म्हणाले, त्या नुकसानीचा आकडा लकरच कळेल. त्या शेतकऱ्यांना मदत देण्यात येईल. प्रत्येक वेळी कृषी विभागाची मंत्रीमंडळ बैठकीत चर्चा होते. साडेपाच हजार कोटी रुपयांची नुकसान भरपाई सरकारने आतापर्यंत दिली आहे. पुढच्या काळातही सरकार शेतकऱ्यांच्या पाठिशी उभे असल्याचे त्यांनी यावेळी सांगितले.

ब्रेकिंग न्यूज : दिवाळीनंतर कांदा महागणार !

कृषीमंत्री सत्तर म्हणाले, विरोधी पक्षनेते अजित पवार यांनी ओला दुष्काळ जाहीर करावा अशी मागणी केली आहे. मात्र, ओला दुष्काळ जाहीर करावा अशी परिस्थिती नाही. पण ज्या शेतकऱ्यांचे नुकसान झाले आहे तो शेतकरी मदतीपासून वंचित राहणार नाही याची दक्षता कृषी अधिकारी, जिल्हाधिकारी घेतील. पंचनामा करण्याचे तत्काळ आदेश अधिकाऱ्यांना दिले आहेत. पण वस्तुनिष्ठ पंचनामे होत नाहीत तोपर्यंत अंतिम नुकसानीचा आकडा येणार नाही असेही सत्तार म्हणाले.

पहिल्या नुकसानीचे तीन हजार 500 कोटी रुपये शेतकऱ्यांना दिले आहेत. 600 कोटी रुपये नंतर दिले त्यानंतर गोगलयीने नुकसान झालेल्या क्षेत्राला देखील मदत दिली असल्याचे सत्तार म्हणाले. गेल्या 25 वर्षात तत्काळ मदत देण्याचे काम पहिल्यांदाच झाले असल्याचे सत्तार म्हणाले. विरोधी पक्षाला फक्त विरोधच करायचा आहे. शेतकऱ्यांना मी विनंती करतो की आत्महत्येसारखे पाऊस उचलू नका. हा अंतिम पर्याय नसल्याचे सत्तार यावेळी म्हणाले.