शेतकऱ्यांनी आडवला कृषी आयुक्तांचा ताफा

नांदेड जिल्ह्याच्या दौऱ्यावर असलेल्या कृषी आयुक्त धीरज कुमार यांचा ताफा शेतकऱ्यांनी आडवला. जिल्ह्यात बोगस बियाणं, लिंकीग खतं आणि सोयाबीन पीक कापणी प्रयोग याबाबत शेतकऱ्यांनी त्यांच्याकडे आपले गाऱ्हाणे मांडले मागणी केली. यावेळी आयुक्त धीरज कुमार यांनी शेतकऱ्यांचे म्हणणे एकूण घेतलं. तसेच याबाबत योग्य ती कार्यवाही करण्याचे आश्वासन दिले.

महत्त्वाचा सल्ला : खते आणि कीटकनाशकांचा वापर कमी करण्यासाठी सरकारला सहकार्य करावे : केंद्रीय कृषीमंत्र्यांचे आवाहन

कृषी विभागानं जे सोयाबीनचे नामांकित कंपन्याचे सॅम्पल घेतले होते. त्यांची उगवण क्षमता ही केवळ 10 ते 15 टक्के एवढी आहे. परंतू कृषी विभागानं अशा कोणत्याही कंपन्यावर कारवाई केली नाही. त्या मालाची विक्रीही थांबवली नाही. अनेक खतांचे बोगस नमुने आले आहेत. जिल्ह्यातून, तसेच आजूबाजूच्या भागातून शेतकरी खतं आणि बियाणे खरेदी करतात. परंतू अनावश्यक खते ही लिंकींग म्हणून देण्यात येत आहेत. त्याचा भूर्दंड शेतकऱ्यांवर पडत आहे. अर्धापूर तालुक्यातील पार्डी या ठिकाणी शेतकऱ्यांनी कृषी आयुक्तांचा ताफा अडवत आपले गाऱ्हाणे मांडले. या दरम्यान कृषी आयुक्त धीरज कुमार हे हदगांव येथे एका कार्यक्रमासाठी जात असताना हा प्रकार घडला. त्यानंतर कृषी आयुक्तांनी शेतकऱ्यांचे म्हणणे जाणून त्यावर कार्यवाही करण्याचे आश्वासन दिले.

महत्त्वाची बातमी : केंद्रीय लिंबूवर्गीय फळ संशोधन संस्थेने तंत्रज्ञान शेतकऱ्यांपर्यंत पोहोचवावे : नितीन गडकरी

यावेळी शेतकरी संघटनेच्या वतीने कृषी आयुक्त धीरज कुमार यांना एक निवदेन देण्यात आले असल्याची माहिती शेतकरी संघटनेचे नेते संतोष गव्हाणे यांनी दिली आहे. यामध्ये नांदेड जिल्ह्यातील कृषी विभागाने सोयाबीणच्या बियाणांचे सॅम्पल काढले होते. यामध्ये बऱ्याच नामांकित कंपन्यांचे बियाणे होते. पण हे सॅम्पल फेल गेले आहे. याची उगवण क्षमता 10 ते 15 टक्के एवढीच असल्याची माहिती संतोष गव्हाणे यांनी दिली. त्यांनतरही कृषी विभागाच्या अधिकाऱ्यांनी यावर कोणतीच कारवाई केली नाही. तसेच त्या मालाची विक्री देखील थांबवली नाही. असा प्रकारे शेतकऱ्यांची फसवणूक करण्यात आली आहे. तसेच 18:18:10 हा अनावश्यक असलेल्या खतांचे नमुने नांदेड जिल्ह्यात आले आहेत, त्याच्यावर कोणतीही कारवाई करण्यात आली नसल्याची माहिती संतोष गव्हाणे यांनी दिली.