देशात 'मधुर क्रांती' घडवून आणण्यासाठी सरकार प्रयत्नशील : कृषीमंत्री तोमर

देशातील लहान शेतकर्‍यांना सक्षम बनवणे हे पंतप्रधान नरेंद्र मोदी यांचे ध्येय असून, देशात ‘मधुर क्रांती’ घडवून आणण्यासाठी पंतप्रधानांच्या मार्गदर्शनाखाली सरकार अत्यंत गांभीर्याने काम करत असल्याचे केंद्रीय कृषीमंत्री नरेंद्र सिंह तोमर यांनी सांगितले. जागतिक मधमाशी दिनाचे औचित्य साधून महाराष्ट्रासह 5 राज्यांमधील 7 मधचाचणी प्रयोगशाळेचे उद्घाटन त्यांच्या हस्ते करण्यात आले. त्या प्रसंगी ते बोलत होते.

भारतातील सुमारे 55 टक्के लोकसंख्या ग्रामीण भागात राहते, जेव्हा ग्रामीण भागाचा विकास होईल, तेव्हाच देशाची प्रगती होईल, असे मत व्यक्त करून ते म्हणाले, लहान शेतकर्‍यांना सक्षम बनवणे हे पंतप्रधान नरेंद्र मोदी यांचे ध्येय साक्याचे त्यांनी या वेळी सांगितले.

मोठी बातमी : केंद्रापाठोपाठ राज्य सरकारकडूनही पेट्रोल आणि डिझेलच्या दरांमध्ये कपात

यावेळी तोमर यांनी महाराष्ट्रातील पुणे, जम्मू-काश्मीरमधील पुलवामा, बांदीपुरा आणि जम्मू, कर्नाटकातील तुमकूर, उत्तर प्रदेशातील सहारनपूर आणि उत्तराखंड येथील मधचाचणी प्रयोगशाळा आणि प्रक्रिया एककांचे उद्घाटन केले.

यावेळी बोलताना तोमर म्हणाले, राष्ट्रीय मधमाशीपालन आणि मध अभियान या केंद्र सरकारच्या अर्थसहाय्यातून साकार झालेल्या योजना आहेत. त्यासाठी 5 मोठ्या प्रादेशिक आणि 100 लहान मध आणि इतर मधमाशी उत्पादन चाचणी प्रयोगशाळा स्थापन करण्याचे उद्दिष्ट आहे. त्यापैकी 3 जागतिक दर्जाच्या अत्याधुनिक प्रयोगशाळा स्थापन करण्यात आल्या आहेत. तर 25 लहान प्रयोगशाळा स्थापन करण्याची प्रक्रिया सुरु आहे. भारत सरकार प्रक्रिया एककांच्या स्थापनेसाठी देखील मदत करत असल्याचे त्यांनी सांगितले.

आनंदाची बातमी : शेतकऱ्यांना मोफत मिळणार भाज्या, कडधान्यांचे 10 वाण

देशात 1 लाख 25 हजार मेट्रिक टनांहून अधिक मधाचे उत्पादन होत असल्याचे सांगून ते म्हणाले. त्यापैकी 60 हजार मेट्रिक टनांहून अधिक नैसर्गिक मधाची निर्यात केली जाते. जागतिक बाजारपेठेला आकृष्ट करण्यासाठी देशांतर्गत मध उत्पादनात गुणात्मक सुधारणा घडवून आणण्याच्या दृष्टीने, भारत सरकार आणि राज्य सरकारे एकत्रितरित्या सुनियोजित प्रयत्न करत आहेत. तसेच वैज्ञानिक तंत्रांचा अवलंब करुन मध उत्पादनासाठी मधमाशीपालकांची क्षमता वाढवण्यावर भर देत असल्याचे कृषीमंत्री नरेंद्र सिंह तोमर म्हणाले.