कांदा उलाढालीत सोलापूर बाजार समिती अव्वल ! 1200 ट्रक कांद्याची आवक उलाढाल 16 कोटींची

सोलापूर बाजार समितीच्या इतिहासात काल विक्रम नोंदविला गेला. बाजार समितीणमध्ये सर्वात जास्त म्हणजे तब्बल 1200 ट्रक कांद्याच्या ट्रकची आवक झाली. विशेष म्हणजे कांद्यासाठी प्रसिद्ध असलेल्या लासालगाव बाजार समितीला या विक्रमामुळे सोलापूर बाजार समितीने मागे टाकले आहे. यातून बाजार समितीमध्ये तब्बल 16 कोटींची उलाढाल काल एकाच दिवशी झाली आहे. एकाच दिवसात सर्वाधिक कांदा आवक करण्याचा देशपातळीवरील मान बाजार समितीला यामुळे मिळाला आहे.

कर्नाटक, आध्रप्रदेश या राज्याला ही बाजार समिती जवळ असल्याने या राज्यात मोठ्या प्रमाणात कांदा येथून पाठविला जातो. कांद्याला चांगला भाव दिला जातो यामुळे कांदा खरेदी-विक्रीमध्ये सोलापूर बाजार समितीकडे व्यापार्‍यांचे आणि शेतकर्‍याचे आकर्षण वाढत आहे. काल येवढी मोठी आवक झाली तरी कांद्याचे भाव स्थिर होते.

स्थापने पासून विक्रमी आवक : 1961 साली सोलापूर कृषी उत्पन्न बाजार समितीची स्थापना करण्यात आली होती जे की आता पर्यंत इतिहासात पहिल्यांदाच एवढ्या मोठ्या प्रमाणात कांद्याची आवक झालेली आहे. त्यामुळे भारतात सोलापूरच्या कृषी उत्पन्न बाजार समितीने मान पटकवला आहे.

लासलगावला मागं टाकलं : महाराष्ट्रात सर्वात मोठी कृषी उत्पन्न बाजार समिती म्हणून लासलगाव बाजार समितीला ओळखले जाते. भारत देशात लासलगाव बाजार समितीची कांदा बाजारपेठेत नेहमी चर्चा असते परंतु सोलापूर कृषी उत्पन्न बाजार समितीत आज कांद्याच्या १२०० ट्रकची आवक झालेली आहे त्यामुळे लासलगाव च्या बाजार समितीला सुद्धा माघे टाकले आहे.

हेही वाचा :

चक्क आता किरणा दुकान, सुपरमार्केटमध्येही मिळणार वाइन

यंदाच्या केंद्रीय अर्थसंकल्पात शेतीसाठी काय ?

‘त्या’ निर्णयाविरुद्ध राज्यभर आंदोलन करू : रघुनाथदादा पाटील

जमीन भूसंपादन प्रकरणी मोबदला रकमेची परिगणना करण्याबाबतची कार्यपद्धती निश्चित

खतांच्या वाढलेल्या किंमती पूर्ववत करा : कृषिमंत्री दादाजी भुसे

कांद्याची विक्रमी आवक दर स्थिर : आता पर्यंत सर्वात जास्त कांद्याची आवक लासलगाव कृषी उत्पन्न बाजार समितीत होत होती मात्र यंदा सोलापूर कृषी उत्पन्न बाजार समितीत कांद्याचे १२०० ट्रक आवक झालेली आहे. आवक तर मोठ्या प्रमाणात झालेली आहे मात्र कांद्याचे भाव स्थिर असल्याचे चित्र दिसत आहे.

16 कोटींची उलाढाल : सोलापूर बाजार समितीत कांद्याच्या १२०० गाड्या दाखल झालेल्या आहेत जे की एका दिवसात सुमारे १६ कोटी रुपयांची उलाढाल होईल असा अंदाज सोलापूर कृषी उत्पन्न बाजार समितीच्या सदस्यांकडून सांगितला आहे.