नारळाच्या व्यापारी शेतीसाठी ‘या’ आहेत महत्त्वाच्या 10 जाती !

नारळाच्या व्यापारी शेतीसाठी ‘या’ आहेत महत्त्वाच्या 10 जाती

अनेकांना नारळ लागवड करायची असते मात्र अशा पद्धतीने रोपांची निवड आणि सुधारित जाती कोणत्या याची माहिती नसल्या कारणाने नारळ लागवडीकडे दुर्लक्ष होते. वास्तविक नारळाची व्यापारी लागवड नक्कीच फायद्याची ठरते. आज 2 सप्टेंबर जागतीक नारळ दिवस त्यानिमित्त जाणून घ्या नारळाच्या व्यापारी शेतीसाठी कोणत्या 10 जाती महत्त्वाच्या आहेत ?

महत्त्वाचे : अशी करा चिंचेची व्यापारी लागवड

नारळ लागवड करायची असेल तर नारळ लागवडीसाठी एक वर्षे वयाची रोपे निवडणे अत्यंत गरजेचे असते. तसेच लागवडीसाठी निवडलेल्या रोपाला पाच ते सहा पाने असावीत व रोपे निरोगी व जोमदार वाढीचे असावीत. तसेच दोन झाडातील अंतर लागवड करताना योग्य ठेवणे गरजेचे आहे.

जर शिफारशीप्रमाणे योग्य अंतर ठेवले नसल्यास फळे उशिरा येऊ शकतात किंवा फळे न लागणे या समस्या निर्माण होतात. नारळ लागवड करताना दोन ओळींत व दोन रोपात 7.5×7.5 मीटर अंतर असणे गरजेचे आहे. कुंपणाच्या कडेने किंवा बांधाच्या कडेने एका ओळीत नारळाची लागवड करायची असेल तर नारळाच्या दोन झाडातील अंतर सात मीटर असणे आवश्यक आहे.

फायद्याची माहिती : कमी खर्चात आंब्याचे जास्त उत्पादन शक्य ! आंबा लागवडीचे नवे आणि आधुनिक तंत्र

नारळाच्या सुधारित जातीमध्ये उंच वाढणाऱ्या जाती व ठेंगू जाती असे दोन प्रकार पडतात. त्यापैकी उंच वाढणाऱ्या जातीमध्ये प्रताप, वेस्ट कोस्ट टोल किंवा बानवली, लक्षदीप ऑर्डिनरी (चंद्र कल्प), लक्षदीप मायको, फिलिपिन्स ऑर्डिनरी व केरा बस्तर या 6 जाती महत्त्वाच्या आहेत.

उंच वाढणाऱ्या नारळाच्या महत्त्वाच्या 6 जाती

प्रताप : या जातीच्या नारळाचा आकार मध्यम गोल असून या जातींना फुलोरा लागवडीपासून सात ते सात वर्षात येतो. योग्य मशागत व व्यवस्थापन असल्यास एक नारळापासून सरासरी 150 नारळ मिळतात.

वेस्ट कोस्ट टोल किंवा बानवली : ही जात भारताच्या पश्चिम किनार्‍यावर लावली जाते. कोकणामध्ये तिला बाणवली या नावाने ओळखतात. या जातीचे आयुष्य 70 ते 80 वर्षे असते. प्रत्येक झाडापासून प्रतिवर्षी 50 ते 100 शंभर नारळ मिळतात. यामध्ये तेलाचे प्रमाण 67 ते 70 टक्के असते.

लक्षदीप ऑर्डिनरी (चंद्र कल्प) : ही नारळाची जात भारतातील लक्षद्वीप बेटांजवळ आढळते. या जातीपासून प्रति वर्ष 80 ते 178 फळे मिळतात. सरासरी खोबऱ्याचे प्रमाण 140 ते 180 ग्रॅम असते तर तेलाचे प्रमाण 72 टक्के असते. दापोली येथील डॉ. बाळासाहेब सावंत कृषी विद्यापीठाने तसेच भाटी येतील नारळ संशोधन केंद्राने ही जात महाराष्ट्रासाठी प्रमाणीत केले आहे.

महत्त्वाची माहिती : शिकून घ्या ! आवळा लागवडीचे उत्पादन तंत्रज्ञान

लक्षदीप मायको : ही जात ही लक्षदीप बेटा जवळ आढळते. एका नारळामध्ये खोबऱ्याचे प्रमाणे 80 ते 100 ग्रॅम असते. व तेलाचे प्रमाण 75 टक्के असते. ही जात गोटा नारळ तयार करण्यासाठी उत्तम आहे.

फिलिपिन्स ऑर्डिनरी : या जातीची लागवड मोठ्या प्रमाणात फिलिपिन्स येथे केली जाते. या जातीपासून वार्षिक नारळाचे उत्पादन प्रति झाड 90 ते 200 नारळ असून, सरासरी 105 नारळ आहे. यात तेलाचे प्रमाण 69 टक्के असते.

केरा बस्तर : ही जात महाराष्ट्रासाठी शिफारशीत करण्यात आली असून नारळाचे उत्पादन प्रति प्रति झाड प्रति वर्ष 110  नारळ इतके  आहे. यामध्ये तेलाचे प्रमाण 2.04 टक्के असते

महत्त्वाच्या टिप्स : अंजीर उत्पादनाचे नियोजनबद्ध व्यवस्थापन !

नारळाच्या महत्त्वाच्या 4 ठेंगु जाती

नारळाच्या ठेंगु जातीमध्ये चौघाट ग्रीन डॉर्फ, चौघाट ऑरेंज डॉर्फ, मलायन ग्रीन डॉर्फ आणि मलायन येलोडॉर्फ व गंगाबोडम या 4 जाती महत्त्वाच्या आहेत.

चौघाट ग्रीन डॉर्फ : ही जात केरळ राज्यातील त्रिचूर जिल्ह्यात चौघाटामध्ये प्रथम आढळली. या जातीस तीन ते चार वर्षानंतर फळधारणा होते. प्रति झाडापासून प्रति वर्ष 30 ते 160 नारळ मिळतात. यामध्ये खोबर्‍याचे प्रमाण 38 ते 100 ग्रॅम आहे. एका नारळापासून सरासरी 60 ग्रॅम खोबरे मिळते. यामध्ये तेलाचे प्रमाण 72 टक्के असते.

चौघाट ऑरेंज डॉर्फ : ही जात देखील केरळ राज्यातील त्रिचूर जिल्ह्यात प्रथम आढळली. या झाडापासून प्रतिवर्षी 50 ते 120 नारळ मिळतात. एका झाडापासून सरासरी 65 नारळ मिळतात. एका नारळामध्ये खोबर्‍याचे प्रमाण 112 ते 188 ग्राम आहे. एका नारळापासून सरासरी 150 ग्रॅम खोबरे मिळते. केरळमधील कासारगोड येथील केंद्रीय रोपवन पिके संशोधन संस्थेने ही जात शहाळ्याच्या पाण्यासाठी प्रमाणित केले आहे.

मलायन ग्रीन डॉर्फ किव्हा मलायन येलोडॉर्फ : ही जात मलेशियातील आहे. पानाच्या देठाचा रंग, फुलोरा व फळांचा रंग यावरून त्यांना मलायनग्रीन डॉर्फ असे म्हणतात. याचे प्रति झाड प्रति वर्ष नारळ उत्पादन हे 39 ते 120 नारळ इतके आहे. एका झाडापासून सरासरी 89 नारळ मिळतात. नारळात 138 ते 368 ग्रॅम खोबरे मिळते. त्याचे सरासरी प्रमाण 66 नारळ इतके आहे. तर एका नारळातील तेलाचे प्रमाण 66 ते 67 टक्के आहे.

गंगाबोडम : या जातीची लागवड आंध्रप्रदेशातील पूर्व गोदावरी जिल्ह्यात आढळून येते. ही जात चार ते पाच वर्षात फलधारणेच्या आवस्थेला येते. प्रति वर्षी प्रति झाड नारळाचे उत्पादन 50 ते 90 नारळ व सरासरी 68 नारळ इतके आहे. एका नारळापासून सरासरी 160 ग्रॅम खोबरे तर सरासरी 68 टक्के तेल मिळते.