पावसामुळे भाज्या महागल्या

सततच्या पावसामुळे भाजीपाल्याचे झालेले नुकसान, भाजीपाला काढणीला येणाऱ्या अडचणी आणि श्रावण महिन्यामुळे भाजीपाल्याची वाढलेली मागणी अशा ऊनेक कारणांमुळे भाजीपाल्याची मागणी वाढली आहे तर दुसरीकडे मार्केटमधील भाजीपाल्याची आवक मंदावली आहे. त्यामुळे भाजीपाल्याचे दर वाढले आहेत. पावसामुळे भाज्या महागल्या असल्यातरी याचा थेट फायदा मात्र शेतकऱ्यांना होताना दिसत नाही.

मान्सून अपडेट : सावधान ! 7 जिल्ह्यांत रेड अलर्ट

सततच्या पावसामुळे सध्या बाजारात ठराविकच भाज्यांची आवक होत आहे. त्यामुळे सरसकट भाज्यांच्या दरात 30 ते 40 टक्क्यांनी वाढ झाली आहे. ही वाढ विक्री दरात झाली असली तरी खरेदी दरात त्यातुलनेत वाढ कमीच असल्याचे दिसून येत आहे. त्यामुळे याचा फायदा शेतकऱ्यांपेक्षा व्यापाऱ्यांनाच होत आहे. सध्या निम्या राज्यात पावसाची रिपरिप सुरूच आहे. मध्यंतरीच्या विश्रांतीनंतर पुन्हा राज्यात पावसाने सुरूवात केली आहे. पुढचे तीन चार दिवस पुन्हा पावसाचा इशारा हवामान विभागाने दिला आहे. त्यामुळे भाज्या अजून महागतील असा अंदाज व्यक्त होत आहे.

हे नक्की वाचा : यंदा 92 लाख शेतकऱ्यांचा भरला पीकविमा

यंदा मराठवाड्यात झालेल्या अतिवृष्टीमुळे भाजीपाल्यात पाणी साचल्याने भाज्या जाग्यावरच नासल्या आहेत. त्यामुळे मार्केटमध्ये केवळ बटाटे, टोमॅटो आणि वांगी याच भाज्या दिसून येत आहेत. पाल्याभाज्या अतिशय दुर्मिळ झाल्या आहेत. अशीच परीस्थिती सर्वत्र दिसून येत आहे.

राज्यातील काही भागामध्ये पावसाने उसंत घेतली असली तरी काही भागात मात्र सतंतधार सुरुच आहे. त्यामुळे आतापर्यंत खरीप हंगामातील पिकांचे तर नुकसान झालेच आहे पण आता भाजीपालाही पाण्यात गेला आहे. उत्पादनात घट अन् बाजारपेठेत मागणी यामुळे भाजीपाल्याचे दर 30 ते 40 टक्क्यांनी वाढत आहेत. निसर्गाच्या लहरीपणातून यंदा कोणत्याच पिकाची सुटका झालेली नाही. आतापर्यंतच्या पावसामुळे राज्यातील 10 लाख हेक्टरावरील पिकांचे नुकसान झाले असताना आता भाजीपाल्याच्या उत्पादनातही मोठी घट होत आहे. शहरातील मुख्य बाजारपेठेत आवक घटली आहे.

महत्त्वाची घोषणा : महाराष्ट्राच्या कृषीक्षेत्रात आमूलाग्र बदल घडविण्यावर भर : मुख्यमंत्री एकनाथ शिंदे

दरम्यान, श्रावण महिना सुरु होताच वेगवेगळ्या प्रकारच्या भाजीपाल्याची मागणी वाढते. असे असताना मार्केटमध्ये केवळ बटाटे, टोमॅटो आणि वांगी हेच मोठ्या प्रमाणात दाखल होत आहेत. याच्या दरामध्येही तब्बल 30 ते 40 टक्वे वाढ झाली आहे. शिवाय श्रावण महिन्यात मांसाहार केला जात नाही. परिणामी भाजीपाल्याच्या मागणीत वाढ झाली आहे. मागणीच्या तुलनेत तुटवडा असल्याने दरात आणखी वाढ होणार असल्याचा अंदाज आहे.

पावसाचा परिणाम एका विशिष्ट भाजीपाल्यावर नाहीतर सर्वच भाजीपाल्यावर झाला आहे. दरवर्षी पावसाळ्यात दर हे वाढलेले असतात. यंदा मात्र, 30 ते 40 टक्के वाढ झाली आहे. शिवाय पावसामुळे नव्या भाजीपाल्याची लागवडही करणे शक्य़ नाही. कोथिंबीर, हिरवी मिरची, शिमला मिरची, भोपळा, दोडके, वांगे, कोबी अशा सर्वच भाज्यांमध्ये मोठ्या प्रमाणात भाव वाढ झाली आहे. मात्र लसून, कांदा या भाज्यांचे दर कोसळले आहेत.

महत्त्वाची बातमी : इलेक्ट्रिसिटी 2022 विधेयकास संयुक्त किसान मोर्चाचा विरोध : देशव्यापी आंदोलनाचा इशारा

एकीकडे प्रत्येक गोष्टीमध्ये दरवाढ ही ठरलेलीच आहे. वाढत्या महागाईने सर्वसामान्य नागरिक त्रस्त असतानाच दुसरीकडे रोजचा लागणारा भाजीपालाही चांगलाच भाव खात आहे. सर्वच भाजीपाल्याचे दर 80 ते 100 रुपये किलोवर येऊन ठेपले आहेत. त्यामुळे महिला आता डाळीवरच भर देत आहेत. जोपर्यंत पाऊस कमी होत नाही तोपर्यंत अशीच स्थिती राहणार आहे.